A
OMS recoñece a contaminación do aire como un factor de risco para a
saúde humana e inda que existen limiares para elementos
contaminantes presentes no aire exterior, non existe un límite a
partir do cal os elementos contaminantes non son un risco para a
saúde.
Por
elo, é necesario o establecemento de recomendación actualizadas
para diminuír a exposición da poboación a dito risco. A inclusión
das recomendacións para a saúde, demostraron a diminución dos
problemas de saúde derivados da exposición aos contaminantes que se
atopan no aire exterior.
Na
contaminación atmosférica os catro contaminantes máis destacados,
material particulado, dióxido de nitróxeno e sofre e ozono, ademais
de contribuír ao cambio climático, afectar ás variables
meteorolóxicas, como a humidade ou a temperatura, teñen efectos
adversos sobre a saúde humana. Establécense relacións entre a
calidade do aire e determinados prexuízos en diferentes sistemas do
organismo. Porén, estes contaminantes presentan interacción entre
eles e actúan xuntos en moitas ocasións. É, polo tanto, difícil
relacionar a presencia e concentración dun determinado composto cun
efecto específico, en moitos casos falase de contaminación
atmosférica no seu conxunto.
Recomendacións para a saúde en función da calidade do aire
BOA |
Mensaxes |
Calidade do aire satisfactoria, a contaminación non supón un risco para a saúde |
Grupos de risco |
Desfruta das túas actividades no exterior de xeito normal |
Poboación xeral |
Desfruta das túas actividades no exterior de xeito normal |
|
|
FAVORABLE |
Mensaxes |
Calidade do aire aceptable, aínda que algúns contaminantes poden supoñer un lixeiro risco para a saúde dos grupos de risco e individuos sensibles á polución |
Grupos de risco |
Considera reducir as actividades prolongadas e activas no exterior. Non é perigoso estar no exterior, pero toma máis descansos e diminúe a intensidade da actividade |
Poboación xeral |
Vixía a aparición de síntomas como tose ou falta de aire e, se aparecen, considera reducir a exposición prolongada ou activa no exterior |
|
|
REGULAR |
Mensaxes |
A calidade do aire probablemente non afecte á poboación xeral pero pode presentar un risco moderado para os grupos de risco |
Grupos de risco |
Reduce as actividades prolongadas e activas no exterior. As persoas con asma ou enfermidades respiratorias deben seguir coidadosamente o seu plan de medicación e usar o seu inhalador máis frecuentemente. Os adultos con problemas do corazón poden experimentar palpitacións, dificultade na respiración ou fatiga inusual; se ocorre, busca asistencia médica |
Poboación xeral |
Vixía a aparición de síntomas como tose, irritación de gorxa, falta de aire, fatiga excesiva ou palpitacións. Se aparecen, reduce as actividades prolongadas e activas no exterior |
|
|
MALA |
Mensaxes |
Toda a poboación pode experimentar efectos sobre a saúde e os grupos de risco efectos moito máis serios |
Grupos de risco |
Evita as actividades prolongadas e activas no exterior, considerar realizalas no interior ou pospoñelas para cando a calidade do aire sexa boa ou moderadamente boa. Segue o plan de tratamento meticulosamente |
Poboación xeral |
Reduce as actividades prolongadas e activas no exterior, especialmente se experimentas tose, falta de aire ou irritación de gorxa |
|
|
MOI MALA |
Mensaxes |
Condicións de emerxencia para a saúde pública, a poboación enteira pode verse seriamente afectada |
Grupos de risco |
Evita as actividades prolongadas e activas no exterior, considerar realizalas no interior ou pospoñelas para cando a calidade do aire sexa boa ou moderadamente boa. Segue o plan de tratamento meticulosamente |
Poboación xeral |
Evita toda actividade física no exterior e considera realizalas no interior ou pospoñelas para cando a calidade do aire sexa boa ou moderadamente boa |
|
|
PÉSIMA |
Mensaxes |
Condicións de emerxencia para a saúde pública, a poboación enteira pode verse gravemente afectada. Poderanse tomar medidas excepcionais |
Grupos de risco |
Evita a estancia prolongada no exterior. Segue o plan de tratamento meticulosamente, e acude a un servizo de urxencias se o teu estado de saúde empeora |
Poboación xeral |
Evita toda actividade física no exterior e considera realizar as actividades no interior ou pospoñelas para cando a calidade do aire sexa boa ou moderadamente boa. Utiliza a protección axeitada para os traballos que deban ser realizados no exterior |
Efectos
sobre o aparato respiratorio
A
presencia dos catro contaminantes teñen un efecto significativo
sobre as admisións hospitalarias por problemas respiratorios debido
a enfermidades do tracto respiratorio inferior, como bronquite aguda,
bronqueolite e neumonía. En episodios agudo de alta contaminación,
observouse ca función dos pulmóns diminúe notablemente, agravando
enfermidades respiratorias como o asma e provocando síntomas como
irritación de garganta, tos e disnea. Ademais, a exposición a altos
niveis de NO2 relacionase coa ausencia escolar de nenos debido a
problemas respiratorios nos seguintes tres días á exposición.
As
PM ao depositarse nas vías respiratorias, producen un estres
oxidativo nos pulmóns que leva a súa inflamación. A súa vez, o
estres oxidativo contribúe á carcinoxénesis, polo que a exposición
prolongada a O3 e metais presentes nas PM tamén provocan
enfisema e cancro de pulmón. O O3 tamén inicia a
inflamación pulmonar, mentres que o NO2 incrementa a
susceptibilidade de sufrir infeccións respiratorias. A exposición
prolongada a esta contaminación relaciónase co desenvolvemento de
asma, a enfermidade pulmonar obstrutiva crónica (EPOC) e a
deficiencia da función pulmonar permanente.
Efectos
sobre o aparato cardiovasculares
A
exposición aguda á contaminación provoca unha maior
hospitalización por infartos de miocardio e anxinas de peito,
normalmente dous días despois do episodio. Ademais, pode provocar
síntomas como taquicardias, aumento da presión sanguínea e anemia
(debido aos mentais presentes nas PM).
Estes
contaminantes actúan oxidando lípidos e proteínas como xerador de
radicais libres, o cal promove ao estrés oxidativo e respostas
inflamatorias. Os radicais libres tamén alteran as proteínas e o
ADN, o que pode derivar no cancro e outras anomalías moleculares.
Ademais, as pequenas PM que pasan ao sistema circulatorio poden
estimular a liberación de citoquinas e estimular receptores
irritantes en todo o corpo.
Respecto
á exposición prolongada á contaminación atmosférica, observouse
o aumento do estado de estrés oxidativo que provoca enfermidades
cardiovasculares dexenerativas (exemplos, arteroesclerosis e ataques
de corazón), dano no tecido miocárdico (isquemia e hipertrofía), a
calcificación de arterias coronarias, o síndrome coronario e a
trombose.
Fonte:
Elaboración de recomendacións asociadas a calidade do aire, baseado
na información de Rückerl et al (2011)
Efectos
sobre o sistema nervioso
Os
efectos nocivos soen darse por metais pesados que se atopan asociados
ás PM, xa que se encontraron ditas partículas no cerebro humano.
Porén, a alta presencia de O3 e PM demostráronse influentes ao
xerar inflamación e estrés oxidativo no cerebro. Estableceuse
unha relación significativa entre a presencia dos contaminantes no
aire e un descenso de funcións congnitivas e enfermidades
neurodexenerativas.
Algunhas
destas enfermidades relacionadas coa contaminación do aire
atmosférico son: enfermidades de Alzhéimer e Parkinson, o
desenvolvemento defectuoso do sistema nervioso, as embolias e o risco
de autismo. A neurotoxicidad provocada por eles resultou ser un
factor de risco para desordenes do sono, fatiga, tremores, etc.
Aparte
da respiratoria, unha vía de entrada de contaminantes ao sistema
nervioso é o epitelio olfactivo, podendo causar dano nas neuronas
sensitivas. Por elo, a perdida de olfacto é un síntoma moi común
nas enfermidades de Alzhéimer e Parkinson. Estes defectos
neurotóxicos son específicos da exposición, sendo tempo e dose
dependente.
Efectos
sobre o sistema reprodutivo
Relacionase
o alto nivel de contaminantes no aire con malformacións do feto,
crecemento defectuoso ou aborto espontáneo. Suxírese que ditos
efectos sexan causa da exposición a metais e dioxinas asociadas a PM
e algunhas das cales poden transferirse a través da placenta. Tamén
afecta á calidade do esperma, xa que moitos de estes compostos poden
funcionar como disruptores endocrinos
e alterar a segregación de hormonas.
Grupos
vulnerables e de risco
Dentro
da poboación xeral, existen grupos de persoas que poden sufrir en
maior medida os efectos da contaminación atmosférica. Esta
susceptibilidade pode vir dada por modificacións xenéticas.
Segundo
a idade pódense identificar dous grupos de risco máis vulnerables
que o resto aos altos niveis de contaminación.
- Nenos.
Presentan un maior risco, xa que os seus órganos non están
completamente desenvolvidos e os seus sistemas de defensa non están
maduros. Ademais, a súa taxa de respiración por minuto é maior e
pasan máis tempo expostos ao aire exterior e realizando actividades
máis vigorosas.
- Persoas
maiores (>65 anos). Os seus órganos están máis deteriorados e
son máis vulnerables. Inda que neste caso é máis difícil atribuír
o efecto da exposición á contaminación do aire.
- Individuos
con enfermidades respiratorias e cardiovasculares. Considéranse
casos de risco aqueles individuos que sofran déficits respiratorios
(asma, EPOC, etc.), problemas cardiovasculares (arteriosclerosis,
fallos cardíacos, anxinas, etc.) e incluso diabetes e obesidade.
- Embarazadas.
O dano agravase tanto para a nai com o a proxenie. Nas nais porque se
atopan nun momento de vulnerabilidade durante o embarazo, e na
descendencia porque poden sufrir o impacto dos mesmos e desenvolver
algún efecto adverso.
- Persoas
de baixo nivel socioeconómico. O baixo nivel económico conleva ter
unha peor nutrición e unha vivenda en barrios industriais con peor
calidade do aire.
- Traballadores que desempeñen traballos físicos no exterior.