Os
científicos dedicados ás cuestións climáticas demostraron que as
persoas somos responsables do quecemento global dos últimos 200
anos. As actividades humanas, principalmente a queima de combustibles
fósiles como o carbón, o petróleo e o gas, xeran gases de efecto
invernadoiro que elevan a temperatura do planeta ao ritmo máis
rápido dos 2000 anos pasados.
O
aumento da temperatura só é o principio, a Terra é un sistema, no
que todo está conectado, os cambio dunha zona poden influír nos
cambios de todas as demais.
O
cambio climático refírese aos cambios a longo prazo das
temperaturas e os patróns climáticos. Estes cambios poden ser
naturais, por exemplo debido ás variacións da actividade
solar ou erupciones volcánicas grandes. Pero nos últimos anos,
como consecuencia da actividade humana, está a producirse cunha
velocidade e intensidade sen precedentes na historia da
humanidade, debido principalmente á queima de combustibles fósiles
como o carbón, o petróleo e o gas, que xeran gases de efecto
invernadoiro que actúan como unha manta que envolve á terra,
atrapando a calor do sol e elevando as temperaturas.
As
consecuencias do cambio climático non soamente supón o aumento da
temperatura o que supón en quecemento global, senón que se inclúen
outras consecuencias, entre outras, as intensas secas,
escaseza de auga, incendios graves, aumento do nivel do mar,
inundacións, desxeo dos polos, tormentas catastróficas e
diminución da biodiversidade.
O
cambio climático causado polo home xa está a afectar a moitos
extremos meteorolóxicos e climáticos en todas as rexións do
mundo. Isto levou a efectos adversos xeneralizados na
seguridade alimentaria e da auga, a saúde humana e nas economías
e a sociedade e as perdas relacionadas e danos á natureza e
ás persoas. É importante sinalar que as comunidades
vulnerables, os cales contribuíron historicamente menos ao
cambio climático actual, ven afectados de maneira
desproporcionada.
O
cambio climático é unha ameaza moi grave, e as súas consecuencias
afectan a moitos e moi diversos aspectos da nosa vida. Con respecto á
natureza as consecuencia que ten o cambio
climático:
a.
Altas temperaturas.
A crise climática ha aumentado a temperatura media mundial e
leva a que se rexistren máis a miúdo temperaturas extremas, como
as que se alcanzan nas ondas de calor. Esta subida de calor pode
aumentar a mortalidade, reducir a produtividade e ocasionar danos ás
infraestruturas. As consecuencias máis graves recaen nas
persoas máis vulnerables (bebés, nenos e anciáns).
b.
Secas e incendios forestais.
As altas temperaturas aumentan a evaporación da auga, o que,
unido á falta de precipitacións, aumenta o risco de secas
graves. As secas teñen a miúdo efectos colaterais,por exemplo,
nas infraestruturas de transporte, a agricultura, a
silvicultura, a auga e a biodiversidade. As secas fan
descender os niveis de auga en ríos e auga subterráneas, frean
o crecemento de árbores e cultivos, fan aumentar as pragas e
alimentan os incendios forestais.
c.
Dispoñibilidade de auga doce. A medida
que o clima se quenta, cambian os patróns de precipitación,
aumenta a evaporación, fúndense os glaciares e
sobe o nivel do mar. Son todos factores que afectan á
dispoñibilidade de auga doce. Haberá
maior escaseza de auga, sobre todo no sur e sueste de Europa,
mentres que en gran parte do continente haberá maior risco de inundacións.
Os cambios resultantes afectarán a gran número de rexións
terrestres e marítimas, e a toda clase de especies e
contornas naturais.
d.
Inundacións. En moitas
zonas prevese que o cambio climático dea lugar a un
aumento das precipitacións intensas. Se se prolongan, haberá sobre todo
inundacións fluviais (desbordamento de ríos), e os breves e
intensos chuvascos darán lugar a inundacións pluviais, tipo de inundación
que se produce sen que se desborde ningunha masa de auga.
As inundacións fluviais son unha catástrofe natural frecuente en Europa
e que, xunto coas tormentas, provocou mortes,
desprazado a millóns de persoas e ocasionado enormes perdas
económicas nas tres últimas décadas. Nos próximos anos, é
probable que o cambio climático aumente a frecuencia das
inundacións en toda Europa.
e.
Subida do nivel do mar en zonas costeiras. Xunto cos demais
efectos do cambio climático, a subida do nivel do mar aumentará
o risco de inundacións e erosión ao redor das costas, o que
terá importantes consecuencias para os habitantes, as
infraestruturas, as empresas e a natureza destas zonas.
Ademais,
espérase que a subida do nivel reduza a cantidade de auga doce
dispoñible a medida que nas capas freáticas vaia entrando máis
auga de mar. É probable que tamén leve a unha maior salinización
das masas de auga doce, o que afectará á agricultura e á
subministración de auga potable.
f.
Biodiversidade. O cambio climático avanza a tal velocidade que
moitas especies de plantas e animais teñen problemas para
adaptarse. Entre os efectos directos figuran cambios na
fenología, a abundancia e distribución das especies, a
composición das comunidades, a estrutura dos hábitats e os
procesos ecosistémicos.
g.
Medio ambiente mariño.
Os efectos do cambio climático, aumento das temperaturas da
superficie da auga, acidificación dos océanos, cambios nas
correntes e patróns eólicos, alterarán significativamente a
composición física e biolóxica dos océanos. Os cambios das
temperaturas e da circulación oceánica poderían afectar á
distribución xeográfica do peixe.